RESchool | შეთავაზებული ღირებულება
236
post-template-default,single,single-post,postid-236,single-format-standard,qode-quick-links-1.0,ajax_fade,page_not_loaded,,qode_grid_1300,qode-theme-ver-11.1,qode-theme-bridge,wpb-js-composer js-comp-ver-5.1.1,vc_responsive

შეთავაზებული ღირებულება

შეთავაზებული ღირებულება

გაიხსენე შენი საყვარელი ორგანიზაცია. თუმცა, ჩვენს საყვარელ ორგანიზაციას გახსენება არ სჭირდება. სხვაგვარად რომ ვთქვათ ის სულ ჩვენს გულშია.

დაფიქრებულხარ ოდესმე, თუ როგორ ახერხებს ორგანიზაცია შენს გონებაში ისე შემოჭრას, რომ ვეღარ ივიწყებ შემდგომ მას. მარტივად რომ ვთქვათ, შენ მისი მომხმარებელი ხდები და ხშირ შემთხვევაში მეტიც, ლოიალური მომხმარებელი, ვინც ყველაფერს გააკეთებს იმისთვის, რომ გამოჩნდეს ის, როგორც ამ ორგანიზაციის ერთგული მომხმარებელი. ბევრი რომ არ მოგვივიდეს გაოცებისა და აღფრთოვანების გამოხატვა ამ საკითხისადმი, მოდი გეტყვით, რომ მათ იციან შენ ვინ ხარ, რა მოგწონს, რა გაწუხებს, რა გსურს და ამის შესაბამისად აგებენ ნებისმიერ თავიანთ პროდუქტსა თუ მომსახურებას. ამას ისინი ახერხებენ სწორი ბიზნეს მოდელის ჩამოყალიბებით.

რა არის ბიზნეს მოდელი?

ბიზნეს მოდელი აღწერს ორგანიზაციის რაციონალურ მიდგომას, თუ როგორ შექმნას, მიაწოდოს და შეაგროვოს ღირებულება. ამის განსაზღვრაში ძალიან ხშირად გვეხმარება „ბიზნეს კანვას მოდელი“. ეს არის სტრატეგიული მენეჯმენტისა და მეწარმეობის ერთ-ერთი საუკეთესო ხელსაწყო ბიზნეს მოდელის  სტრუქტურის ასაგებად.

„ბიზნეს კანვას მოდელი“ წარმოადგენს ორ  მხარეს: პროდუქტისა და ბაზრის მხარე. ორივე მხარეს არის ტოლი რაოდენობის ასპექტები, რაც აუცლებლად უნდა იყოს გათვალისწინებული ბიზნეს მოდელის შედგენისას, მაგრამ არის ერთი, ყველაზე საინტერესო კატეგორია, რომელიც იმყოფება სწორედ პროდუქტისა და ბაზრის საზღვარზე. ანუ ეს უჯრა შეიცავს ორივე მხარის თვისებებს და ასევე წარმოადგენს ორივე მხარეს. და რა არის ეს?

„შეთავაზებული ღირებულება“

ეს არის ღირებულება და ამ ღირებულებას აქვს ორი მხარე.

  1. რა ღირებულებას ითხოვს შენგან მომხარებელი?
  2. რა ღირებულებას სთავაზობ შენ მას?

ეს ნაწილი იმდენად მნიშვნელოვანია მთელს ბიზნეს მოდელში, რომ ცალკე კანვას სისტემად არის ჩაშლილი ის მომხმარებლის სეგმენტთან ერთად რასაც ეწოდება „შეთავაზებული ღირებულების კანვას მოდელი“.

ეს არის ღირებულებათა რუკა, რომელშიც შესულია ორი ნაწილი. მარჯვნივ ვხედავთ მომხარებლის საჭიროებებს, ხოლო მარცხნივ ორგანიზაციის პასუხს ამ გამოწვევებზე.

  • დავიწყოთ მომხმარებლის პროფილით.

თავდაპირველად აუცილებელია ავირჩიოთ მომხმარებლის სეგმენტი.

ჩავშალოთ სამივე კატეგორია რასაც ეს სეგმენტი მოიცავს.

  • მომხმარებლის სამუშაოები

ეს ნაწილი აღწერს იმ რაღაცებს, რის მიღებასაც ცდილობს თქვენი მომხარებელი სამსახურში ან თავისუფალ დროს. ესენი შეიძლება იყოს ფუნქციური სამუშაოები, სოციალური, პერსონალურ/ემოციური, მხარდამჭერი სამუშაოები და სხვ.

  • მომხმარებლის ტკივილები

შემდგოში აუცილებელია გავაანალიზოთ და ჩამოვწეროთ ის ტკივილები, დისკომფორტები რაც აწუხებს ჩვენს სეგმენტს. ეს ნაწილი აღწერს ყველაფერს, რაც აწუხებს თქვენს მომხარებელს სამუშაოების გაკეთებამდე, გაკეთების დროს ან მის შედეგად. მაგ: ნეგატიური ემოციები, არასასურველი ხარჯები და სიტუაციები, რისკები და ა.შ.

  • მომხმარებლის სარგებელი

მესამე ნაწილი ასახავს იმ შედეგებსა და მოგებას, რაც სურს თქვენს მომხმარებლებს. ზოგი სარგებელი მოთხოვნილია მათ მიერ, ზოგი მოსალოდნელი ან რასაც ისურვებდნენ ისინი, ზოგიც კი სიურპრიზს უკეთებს მათ.

სამივე ნაწილის გავლის შემდეგ, აუცილებელია დავალაგოთ თითოეულ ნაწილში შესული პუნქტები პრიორიტეტების მიხედვით, რის შემდეგაც ვქმნით ჩვენი მომხარებლის პროფილს.

  • რაც შეეხება ორგანიზაციის შეთავაზებულ ღირებულებათა რუკას, ესეც შედგება სამი ნაწილისგან:
  • პროდუქტები და სერვისები

ეს არის მარტივი სია, რასაც სთავაზობთ მომხმარებლებს. ეს შეიძლება იყოს ფიზიკური, არამატერიალური, ფინანსური, ციფრული ან სხვ.

  • ტკვივილის შემამსუბუქებელი

ეს არის პასუხი მომხარებლის ტკივილებზე. აქ ავღწერთ თუ როგორ ვუმსუბუქებთ ან ვუქრობთ მათ ტკივილებს ჩვენი პროდუქტითა თუ მომსახურებით.

  • სარგებლის შემქმნელი

ხოლო მესამე ნაწილი წარმოადგენს როგორ ქმნის ჩვენი პროდუქტი ან სერვისი მომხმარებლის მოსალოდნენ, მოულოდნელ ან სასურველ სარგებელს.

როგორც მომხმარებლის ნაწილზე, აქაც უნდა დავალაგოთ სამივე ნაწილში ჩვენი იდეები პრიორიტეტების მიხედვით და შევქმნათ მთავარი  –  ჩვენი ღირებულება.

ბოლოსთვის, უნდა გადავხედოთ ზემოთ ჩვენ მიერ შექმნილ მომხარებლის პროფილს, შევადაროთ ჩვენს ღირებულებათა რუკას და დავრწმუნდეთ, რომ ნამდვილად ვპასუხობთ მათ მოთხოვნებს და რეალურად უღირს ჩვენს მომხარებელს ჩვენთან ურთიერთობა.

სწორედ ეს არის პასუხი ჩვენს თავდაპირველ კითხვაზე. ასე შეძლებს ორგანიზაცია შევიდეს მომხარებლის გულში და გახადოს ის თავის ერთგულ მომხმარებლად.